|
35 aña pasa,
Sr. Monique Maria (Nase dia 4 di mei 1934 na Saint Martin) a
funda Zwem-en Polo Vereniging De Bulado dia 28 di mart 1973.
Sr.Maria a kuminsá na aña 1972 ku 9 mucha di bario di Koral
Specht, landa na pir di Maripampoen. Su promé grupo tabata
konsistí entre otro di su mes yunan, Rudsel Maria i Maira Maria,
Nazario Martijn, Benjamin Martijn, Erno Eleonora, Elmer Ellis,
Alfred Gonzales, Adrian Fernandes, Rudy Verbiest i Rudnilvo
Sahatatali. E promé presidente tabata Sr. Pedro M. Maria,
Sekretario tabata Mildred Clara i miembro di bestür Frank
Williams. E promé coachnan tabata Sr.Monique Maria i Siechnar
Djaoen, un dinámiko i motor teknico inkansabel.
Despues di un
tempu ku Bulado a forma i haña mas mucha mester a buska tambe
mas coach. Bulado a landa na Mariepampoen despues na Rifzwembad,
na S.D.K., na Djaoen zweminrichting i for di aña 2001 na pisina
di SOV Asiento Rust & Burgh. Aki a surgi for di Bulado, Curaçao
Swim Academy.
Den Bulado su
eksistensia ela konosé hopi bon landadó. Esnan ku mas a destaká
den eksterior tabata
Ingemar Martina, Nazario Martijn, Burton Westmaas, Adlay Schoop,
Sheldon De Lanooi i Hilton Woods.
Awe despues di
hopi tempu bon i ménos bon Bulado a sobrebibí 35 aña i ta konta
ku
± 100 atleta.
Nos a Logra di ta uniformá, di tin
nos mes himno i bandera di tin un pisina ku nos por yama nos kas. |
